خواطر
06 مارس 2018 ( 5 المشاهدات )
الإعلانات

قصيدة أقولهالك..؟!!! #محمد_وحيد

أقولهالك..؟!!!
تقولي بإني منفعكيش
وأعيش مكسور
تقولي انفع
وحبي يشوف معاكي النور
ويتعبنا الطريق لازم
ف نتحمل 
وبعد تعبنا نخسر بعض 
أقولهاك 
وأحلفلك اكون ليكي
وحلفاني يقع ف الأرض
أقولهالك 
قوليلي ازاي؟
يا عمري الجاي
وأنا مهزوم ومتكتف
كلامك عني بيخفف
لكن تفكيري بيرجعني لقيودي
كإني بقربك نبعد
وأقولك روحي ف تعودي
أخاف ابعد واعيش محروم
وأخاف اجرح عيونك يوم
وأخاف لا ظروفي تمنعني
بحبك
ماشي أيه يعني
ميزان الناس مبيطبش
بوزن الحب
كتير في ناس مبتحبش
لكن ممكن تنول القرب
في شئ طاهر بيجمعنا
وفي ف سكوتنا كام معني
بنيت الحلم علي كفك
لكن في حاجات بتمنعنا
يا حلم بعيد
يا كل علاج لأحزاني 
بلمسة إيد
بقولهالك وأنا مبسوط
أنا من غيرك انتي هموت
وبعترف إني محتاجلك
واني بدون ما اكون احسن
ولا أنفعلك ولا أستاهلك
قوليلي إزاي هقولهالك؟
وبينا حاجات كتير ضدي
وفرق ما بين سما طهرك
وبين أرضي 
امانة تزيدي أفضالك
قوليلي إزاي أقولهالك؟
يا نور قلبي اللي بتمناه 
وهستناه

ينصح بمشاهدتها

الإعلانات

قد يعجبك ايضاً

قالت مش هسيبك #بقلم #ابراهيم-رمضان قصيدة هيبتا- نبذة عن كتاب السر نبذة عن رواية الفيل الأزرق