خواطر
24 فبراير 2018 ( 25 المشاهدات )
الإعلانات

رجل اختار جسد وامراه اختارت بنكا

رجل اختار جسد وامراه اختارت بنكا

ده اهم نوع من أنواع الزواج الفاشل الزواج الى بيتنازل فيه كل طرف فيهم عن مبادئه وأخلاقه 
ويبدأ يمشى وراء شهوته وعواطفه

_الزوج عاوز واحده حلوه يتباهى بيها فى اى مناسبه ووسط أصحابه
وأنه طلع جدع قوى و بورم أنه وقع بنت حلوه

_والزوجه عاوزه مكنه تطلع منها فلوس وقت م تحب وتركب احسن عربيه واحدث فون واحلى بيت

وطول م المكنه بتطلع فلوس والزوجه لسه حلوووه الحياه ماشيه ميه فل واشطا 
اول م يحدث خلل أو عطل ف مكنه الفلوس تبدأ الحياه تبقى لا تطاق وتبقى الزوجه مش طائفه جوزها لان الى هى اتجوزته عشانه راح تبدا الخنافات على أتفه الأسباب ويعرف أن زوجته كانت حابه فلوسه مش هو نفسه

واول م الزوجه تحمل وتولد وشكلها يتغير وتكعبر شويه ومفيش لبس ييجى ع مقاسها والزوجه الى كان بيتباها بيها واتحولت لكائن شبه الكرونبه تتركن ع الرف ف البيت و يتعملك حفله ع انك بقيتى تخينه معدتيش زى الاول شكلك بقا وحش 
شوفى زوجه فلان ولا فلان صحابى لسه حلوين ازاى
تبدا تحس الزوجه انها منبوزه و زوجها مش بيحبها وأنه كان بيحب جسمها وشكلها 
يبدأ كل طرف منهم ياخد جنب ويكره الطرف التانى 
وتنتهي العلاقه بالطلاق ي أما الانفصال ى أما يكملوا مع بعض عشان خاطر الأولاد بس 
وده اسوء من الطلاق نفسه للاطفال انهم ف الوقت ده هيكملوا حياتهم بين اتنين مش بيحترموا بعض ومفيش بنهم اى نوع من أنواع الاحترام أو الحب وبينهم جفاء

ده لو الزوج مقررش يتزوج ع زوجته واحده تحسسه انه مش مكنه فلوس وبس لا زوج و اب واخ

ياريت تفكر و تفكرى كويس جدا قبل م تاخدى خطوه انك تتجوزى 
اتجوزى الى يحبك ويخاف عليكى مش مكنه تطلع فلوس وخلاص
اتجوز الى تحبك وتحافظ ع شرفك و تستحملك ف المره قبل الحلوه 
جواز المصلحه عمره م بيكمل ولا بيدوم وفى وقت بتتكشف حقيقتك قدام الطرف التانى وبتخسر كل حاجه حتى كرامتك
#داليا_الجزار

ينصح بمشاهدتها

الإعلانات

قد يعجبك ايضاً

قالت مش هسيبك #بقلم #ابراهيم-رمضان لقد مشينا معآ # قلمى # تصويرى # جهاد حسين رجل اختار جسد وامراه اختارت بنكا نبذة عن كتاب قوة التفكير الإيجابي