TALENT
24 فبراير 2018 ( 83 المشاهدات )
الإعلانات

اشعار وقصائد محمد وحيد

كام مرة بتسمع أوجاعهم 
وبتركن جرحك على جنب
وتركّز وانت بتسمعهم 
علشان ماتحسش بالذنب
كام مرة وكام مليون مرة 
شايف أوجاعهم من جوه
شايفينك فرحان من بره
كام صاحب سابك في السكة
وخلاك تستنى اصحاب غيرُه
كام صاحب قولتله أسرارك
كام صاحب حبيت تشكيلُه
كام مرة ارتحت عشان فضفضت
كام مرة ندمت عشان إرتحت
كام مرة ابتسموا وهما معاك
وفي ضهرك قالوا كلام عنّك
كام واحد خانك واستعماك
كام صاحب مرة سأل عنك

------------


فيه ناس لو عدت من جنبك
بتحس انها دخلت قلبك
من أول ماعنيك بتشوفهم
بتحس انك كنت عارفهم
لو تيجى سيريتهم ف كلامك
قلبك ف دقيقة بيوصفهم
الدنيا غريبة بطبيعتها
فيها ناس بتشدك ناحيتها
ف تقرب من غير ماتفكر
مع إنك جواك قبليهم
ناس عمرك مابتشعر بيهم
محسوبة معارف مش أكتر
الدنيا دى رزق ومتقدر
والراحة النفسية ف قلبك
دى معادلة لايمكن تتفسر
علشان كده دايما بتلاقى
قلبك يتشد الناحيادى
والناحية التانية مايتشدش
قلبك هيروح للى يشده
من غير مايدور ويفتش
فيه ناس بتحس انها جنبك
لكن انت بجد ماحسيتهاش
لو قلبك ينفع يتمنتج
الناس دى تضيع بعد المونتاج

----------


وليه نزعل أنا وانتى
وكل دقيقة نتعاتب
ونتخانق
ونتخاصم
ونرجع تانى نتحاسب
ماهو اللى يحب من قلبه
أكيد عارف
فى أى علاقة بين اتنين
لازم نسبة وتناسب
وزى ماقلبى بيحبِك
أكيد محتاج تردى عليه
بنفس الحب وتبادليه
مش انتى عشان بتتحبى
يكون قلبى
ده آخر شيئ تفكرى فيه
صحيح انا بعشقِك بجنون
وقلبى حنون
لكن فعلا هكون مجنون
لو اخترت انى اسيب قلبى 
ف إيد إنسانة تلعب بيه
ف وقت فراغها تشتاقله
ووقت ماتنشغل ترميه
آبوس إيدك كفاية حرام
تعبت زعل 
تعبت خصام
وجيت على نفسى ياما كتير
ياريتك حتى قدرتى
خلاص ياحبيبتى مش قادر
يا تمشى معايا للأخر
ياإما يكون ده آخر يوم
وتبقى انتى اللى قررتى

محمد_وحيد#

ينصح بمشاهدتها

الإعلانات

قد يعجبك ايضاً

قصيدة هيبتا- بتغيرى فبتدارى ف غيرتك - تابع - كلمات #محمد_وحيد اعتداء تلميذ على استاذه احلى فاشون ولا اية - يرجى التصويت برقم 4 فى كومنت اسفل الصور