معلومات عامة
06 يونيو 2018 ( 7 المشاهدات )
الإعلانات

كيف تعدل تركيبة جسمك ؟

كيف تعدل تركيبة جسمك ؟ 
No automatic alt text available.
 زي ما هدرزنا من المنشور لفات قداش ما الميزان جهاز محبط ووقف هلبة ناس على تكملة مشوارهم خاصة اللي ارتبطو بيه وصار هوا المقياس ومعيار نجاحهم 
توا ولا في منظور تاني وافضل انك تشوف لحاجة اسمها  Body Compsition لهيا تركيبة جسمك شنو 
 وبهالطريقة رح تشوف كم عضلاتك ودهونك ونسبة السوائل في جسمك ووزن عظامك وعمرك الداخلي 
 طبعا في اجهزة تقيس في هالموضوع ومتوفرة في هلبة مراكز وصيدليات وصح ان مش اغلبها قياسها دقيق الا ان تفي بالغرض 
لكن 
 مش ضروري تقيس باش تعرف انت وين وهني تجي عينك ميزانك، رح تمر بمرحلة وزنك ثابت وماتغيرش وهادي اغلبها تصير لما مثلا زدت كيلو عضلات وخسرت كيلو دهون ف في الميزان العادي مافيش تغيير، لكن التغيير انت تقدر تعرفه من تغير في شكل جسمك ولياقته ومقاساتك 
وهني مفروض تديرلنا زردة لان جسمك بدي يرجع في صحته

لكن لو كل شي ثابت هني في هلبة غلطات اما نفس التمرين او نفس الاكل وعوامل ثانية نخلوها في منشور تاني افضل 

شن هما الحاجات لتفمر فيهم باش تغير تركيبة جسمك؟ 
- التغذية 
 ماتحطش في بالك ان الاكل عدوك وتبي تبتعد عليه قد ماتقدر لا بالعكس غير اعرف بس المكونات لقدامم شنو وانت شن تحتاج من هالسبعة 
البروتين 
الانسان الرياضي يحتاج 22 ضرب وزن جسمك الناتج بالجرام ومافيش خوف لو زاد البروتين الصافي الا البروتين الحيواني يخوف بحكم نسبة الدهون عالية فيه مقارنة بالدجاج والاسماك، والبروتين بروحه مايسمنش هوا بس يرمم التكسير لصار في العضلات ويخليها اقوى من ماكانت ومايزيدش حجمها 

الكاربوهيدرات 
 سلاح ذو هدفين زيادة او نقصان حتى الكويس منها من شوفان وارز وبطاطا وبقوليات، وضيفتها تغذي العضلات بعد التمرين الكويس وتزيد حجمها بتخزين الجلايكوجين فيهم
ولو زاد عن احتياجك رح تتحول لدهون وتتخزن في الخلايا الدهنية 
 لو عندك ترهل ووصلت لهدفك او هدفك زيادة عضلية خليها موجودة في كل وجباتك وحتى الترديدة ولو بتنقص خلي كميتها 2 ضرب وزن جسمك او تقدر تحسبها بطريقة افضل انك تخليها ثلاتة وجبات في اليوم والكمية من اي شي مصدر كاربوهيدرات حجم كف اليد سواء رز او بطاطا او كورن فلكس او مكرونة او حبوب.

الدهون 
 الدهون النافعة من مكسرات وكتانية وزيت زيتون واسماك ضروري توفرها لجسمك وماتبيش هلبة يعني مثلا عشر حبات لوز او كمشة يد كاكاوية او ملعة ص كتانية او ملعقة زيت زيتون في اليوم كافية 

- الاربعة المكملات للسبعة هما (الفيتامينات والمعادن والالياف والسوائل) كلها متواجدة في الخضرة والفاكهة واللحوم او ببساطة في اي شي من الارض مزروع او مذبوح او مياه
 هادو ماتهزاش عليهم لانهم هما اللي رح يديرو ديكور لجسمك ويبنوه على اصول صحيحة 

- التمرين 
 بفضل الله ان التمرينات ولت زي الفاكهة اصناف والوان واشكال ولكل واحد منهم طعم غير، واختار مايعجبك واللي يمشي معاك وضروري من التنويع بشرط ماتخليش تمرينك كله هوائي من مشي وجري وسويدي وزومبا ورقص
 ونفس الشي مش كله مقاومة رفع اثقال وقوة بدنية وتحدي سكوات وماتمشيش على نفس التمرين مهما كان كويس من بين اربعة لستة اسابيع وبعدها ضروري تطور وتغير تمرينك

- النوم 
لو ماترقدش في سبع ساعات متواصلة اقل شي 400% من مجهودك ضايع، الجسم وحني نايضين لاهي في حركاتنا وتواصلنا واكلنا ونشاطاتنا اليومية، والبناء مايجيش الا في الليل والدنيا هادية ويبدا الشغل على رواق من بني وحرق وتنظيم وتعديل.
من اسرار  صحة الاجيال لقبلنا انهم يرقدو كويس ومن اسرار نومهم الكويس ان ماعندهمش تليفونات 

- الحالة النفسية 
لو عايش دور حامل هموم الدنيا صعب توصل لهدفك و 600% من مجهودك او اكثر في مهب الريح، مشي الامور وعيش اللحظة ومعاش تغشش روحك 

ينصح بمشاهدتها

الإعلانات

قد يعجبك ايضاً

10 وصفات لتبييض البشرة من أول مرة .. إليكِ ..! أعراض العصبية عند النساء وصفة طبيعية مذهلة للتخلص من الكرش والحصول على قوام رشيق في عدة أيام تعرف على ايجابيات و سلبيات التلفاز