SEO
17 مايو 2018 ( 1 المشاهدات )
الإعلانات

كيف تربح من آدسنس ب ٥٠ جنية فقط

كيف تبدأ الربح من جوجل أدسنس ب50ج فقط. 

اولا الطريقة بتعتمد على العمل عند الغير لبناء جمهور مستهدف. 

انت هتحتاج تشترى دومين .com ب50ج بالمجال الى انت حابب تشتغل فيه. وتجهز الموقع بتاعك من حيث الاستضافة المجانية و الاضافاات و جوجل ماستر توز و إلى آخره.

الاستضافة المجانية 

بيقولو infinity كويس بس انا مجربتوش ( دا المجاني ) انما المدفوع الخيارات كتيرة جدا

ياريت تدور علي ناس جربتها و تقلكم تجربتها تمام دور ارجوك دور بدل ما تبدس!!!
 
و بعدين تعمل 10 مواضيع لو أجنبي و 15 لو عربي و يكونوا ممتازين بغض النظر اذا كانوا حاصريين أو معاد صياغتهم. و يكون مضاف فيهم صور و فديوهات مرتبطة بالموضوع هتفرق معاك جدا متنساش تجيب صور حصرية أو تاخدها من مواقع مجانية! 

اعمل صفحة سياسة الخصوصية و اتصل بنا و من نحن و اقرا مواضيع عن ال3 صفحات دول و بالذات من نحن هتحدد اذا كنت هتنجح و لا هتفشل بشكل كبير دا في حالة انك بتبيع منتجات مش بتنشر مقالات. انما لو هتنشر مقالات يكفي انك تحكي قصتك. وياريت تكون ممتعة او مش قصتك انت بس المهم تكون مقنعة 😃😃.

قدم على جوجل ادسنس و هتتقبل ان شاء الرحمن. 

دور علي مواقع مشاركة الارباح بتاع ادسنس و اقرأ شروطها كويس جدا جدا في مواقع بتسمحلك تحط رابط موقعك او خليك زكى و اعمل موضوع و حط لينك الموقع كمصدر او كمثال المهم مايحسوش انه ليه علاقة بيك!

طبعا انت هتبني جمهورك من المواقع دي فمتنساش تحط رابط صفحتك على السوشيل ميديا و يبقو معاك لفتره احسن ما يكون زائر و خلاص! او جروب او اى ركن كدا تجمعهم فيه

اشهر المواقع الى ليها ترافيك مهول في المواقع الاجنبية هو Hubpage بس لازم تقدم 10 مقالات ذات جودة عالية و بعدين تقدم على خدمة الربح من ادسنس صدقني الموقع دا كنز لو قدرت تستغلة صح. 
الموقع دا في اقسام كتير جدا و كل قسم اقل جمهور فية 20ألف 
قسم السفر معدي ال100الف مشترك أنت متخيل! 

و بالمثل في المواقع العربية نجوم مصرية بس مش بيسمحلك بنشر روابط للأسف اعملك 20 و لا 30 مقال محترمين بعد كدا استأذن منهم يمكن يقبلو بيك. 

مميزات الطريقة دي 

1-هتوصل لاول 100$ ليك في اسرع وقت ممكن. 
2-سهوله فهرسة المواضيع في جوجل لان الناس دي بتبقا ثقة
3-ترافيك مجانى من الفيس و تويتر 
4- حافز نفسي كبير جدا 
5-توفير الموارد المادية لبدء مشروعك الخاص 

عيوبها 
1- بتخسر جزء من الارباح من 20-30 في المية 
2- هتخليك كسلان و انت بتعمل موقعك لانك اتعودت على النتائج السريعة
3- التقييد بعدم وضع لينكات في المقالات 
4- النشر باستمرار عشان تستحوذ على اكبر قدر من االجمهور 
5- معرض للنقرات غير الشرعية بشكل كبير فخلى بالك! 

اتمني تكونو استفدتم شير في الخير 😃😃↗↗

ينصح بمشاهدتها

الإعلانات

قد يعجبك ايضاً

الارباح المقدرة لك فى اليوتيوب لو زوارك من مصر كل ما يخص الباي بال سحب أرباح الحسابات المغلقة في آدسنس طريقة حل مشكلة المثلث الاصفر للانترنت بشكل نهائي