TALENT
18 فبراير 2018 ( 85 المشاهدات )
الإعلانات

عبارات مؤثرة و خواطر جميلة - كتابة محمد وحيد

فيه ناس لو عدت من جنبك بتحس انها دخلت قلبك من أول ماعنيك بتشوفهم بتحس انك كنت عارفهم لو تيجى سيريتهم ف كلامك قلبك ف دقيقة بيوصفهم الدنيا غريبة بطبيعتها فيها ناس بتشدك ناحيتها ف تقرب من غير ماتفكر مع إنك جواك قبليهم ناس عمرك مابتشعر بيهم محسوبة معارف مش أكتر الدنيا دى رزق ومتقدر والراحة النفسية ف قلبك دى معادلة لايمكن تتفسر علشان كده دايما بتلاقى قلبك يتشد الناحيادى والناحية التانية مايتشدش قلبك هيروح للى يشده من غير مايدور ويفتش فيه ناس بتحس انها جنبك لكن انت بجد  
ماحسيتهاش لو قلبك ينفع يتمنتج الناس دى تضيع بعد المونتاج

--------

عمرى ما اهتميت بنفسى ولا حتى فكرت ف مصيرى وعمرى مااتمنيت لنفسى غير اللى بتمناه لغيرى ولما بحلم بشيئ لنفسى نفسى كل الدنيا تحلم وربنا وحده 
اللى يعلم باللى جوايا ف ضميرى

--------


عارف إحساسك لما يتملك منك يأس وتلاقى الناس مُهتمة و تقولك ألف لا بأس بتحس ساعتها بإنك إنت لوحدك مهموم والناس شايفاك وكإنك متشاف من عدسة زووم ف طبيعى تنام وتقوم على إحساس ضد وعكس الدنيا ياصاحبى مشاكل وبتقدر ع الغلبان وعشان طيب تتاكل مع إن انت اللى جعان علشان كده دايما تلقى فيه حاجات صبحت مش فارقة مع انها كانت تفرق وبنعمل ليها حساب زى الكداب بقى صادق والصادق بقى كداب ماهو كله كلام بنشوفه حتى ف اعز الاصحاب والوضع كمان اتطور وبقينا كلنا بنحور والكل مابيهموش الناس عايشين بوشوش على كيفهم وعلى هواهم بس اللى مانعرفهوش إيه الموجود جواهم فيه ناس دايما تتعالى وبتلبس وش الكِبر وبتنسى بإن الأخر حفرة بتتقاس بالشبر كل اللى يجيله الدور يخرج م الدنيا دى أبيض والكل أكيد هيموت ومحدش فيها مبلط كلنا فاهمين مظبوط إننا وجبات للدود ده الواقع والمفروض بس احنا اللى بنستعبط
-------

انا متعلق بيكى كأنك آخر سكه و آخر دنيا و آخر عالم هسكن فيه انا واحد من كتر ما حبك مش عارف بيحبك ليه حبك يشبه عقده فـ حبل ممكن يخنق أو يتفك كل مقارنة بعد وقبل بتدخلنى فـ دايرة شك بخرج منها لدايرة كبيره ودايرة حيره ودايرة وقت انا متعلق بيكى و ناسى ليه و ازاى بيكى اتعلقت تمام

------


الكاتب :محمد منجا






عندك موهبة ابعت رقم 2 واتس اب 
01226714783

ينصح بمشاهدتها

الإعلانات

قد يعجبك ايضاً

طريقة كتابة موضوع تعبير بتعب واتعذب ف حياتى علشان معرفش ال - كلمات نورهان فوزى بنت_وولد - اسراء كرم #ليست_اجمل_الاشياء_تدوم_جميله