المساحة
28 أبريل 2018 ( 4 المشاهدات )
الإعلانات

المساحة في أعمال الطرق


المساحة في أعمال الطرق
==============
شغل الطرق
اول حاجة بتستلمها فى الموقع control point منها تتاكد ان النقط صح xyz وفى نفس الوقت بتشيك على الجهاز بتاعك سواء توتال او ميزان
*شيك على نقطتين او ثلاثة من واقفة واحدة وشوف المناسيب مظبوطة ولالأ.......اكرررر
مهم جدااااااا انك تتاكد ان منسوب النقط الثابتةZ بيقفل على بعض بدون فرق شيك على كل النقط متستلمش الاحداثيات على ورق بس.... لان بعد كده اى خطأ انت اللى مسئول عنه والغلطة فى المناسيب بجوون

للمحطات نقطه بدايه المشروع هي المحطه 0او 00+0 النقاط التي تبعد عن هذه المحطه مضاعفات المئه متر تسمي المحطات الكامله full station فمثلا التي تبعد عن المحطه 0+00 بي مئه او مئتين او 1100 متر تكتب محطاتها هكذا 00+1 و00|+2 و00+11 وهكذا اما النقطه التي تبعد مثلا 11746.50متر فتكتب 46.50+117

بالنسبه super elevation فهي ارتفاع الظهر عن البطن ..فلو كان في الطريق منحنى فان المركبه تميل الى الخروج عن الطريق عند دخولها المنحى فيتم رفع او عمل ميل لظهر الطرق عن باطنها للمحافظه على المركبه ضمن الطريق وتقليل قوة الطرد المركزيه..

بالنسبه لgradient فهو يمثل خط المنحدر والمهندس المصمم يحاول جعله مستقيم لقدر معقول وبانحدار ضمن الحدود ليكون حجم الحفر والردم متساووين قدر الامكان ضمن مسافات قصيرة وجعل الاعمال الترابيه اقل مايمكن ..المسافه التي يرتفعها او ينخفضها خط المنحدر في وحده واحدi من المسافه الافقيه تسمي درجه الانحدار .gradient..وتكتب كنسبه مئويه اي الارتفاع او الانخفاض في مسافه افقيه مقدارها 100 متر فاذا كانت موجبه فهي صعود واذا كانت سالبه فهي نزول.(اي بمعنى الحفر والردم).وتبين خلال رسم المقطع الطولي..وخط المنحدر يمثل المستوى الذي يصل سطح الارض بعمليه التعديل اي قطع المناطق العاليه وردمها في المناطق المنخفضه

p.i.sat.:نقطة الموقع المقاسة بواسطة جهاز التوتال ستيشن (مع العلم ان الفارق بين الموقعين يعطيك المسافة بينهما )

Ym: (وهي الازاحة الراسية لمماس المنحنى الراسي عند مسافة اكس مربع

(vertical offset from tangent of vertical curve @x distance

Ym= yc + Rc COSθs

θs =Ls / 2Rc (180/Л)

Yc = ((Ls)/6Rc) – (Ls / 340 RC)

Rc نصف قطر المنحنى الافقي البسيط

Ls = طول المنحنى الانتقالي

V.L.C =طول المنحنى الرأسي لكل نقطة او موقع

gross slope = 4% : (وهنا يقصد إجمالي المنحدر هو 4% أي لكل اتجاه يكون 2%)

____________________________
اى نقطة هترميها بعد كده شيك عليها مرة واتنين مش هتخسر حاجة 
لو النقط مش على اعمدة انارة او اى شئ ثابت ...زى سيخ حديد مثلا خلىيها فى خرسانة
_______________________________________
لو انت شايف ان النقط مش كفاية زود نقط قبل الشغل عشان بمجرد ماتبدأ هيكون فى معدات ووجع دماغ وطبعا المقاول مش عايز المعدة تقف دقيقة وخصوصا الجريدر طول ماهو موجود انت مبتتحركش من على الميزان 
_______________________________________________
حاول توقع حدود الطرق قبل وجود المعدات بالموقع لان التوقيع بياخد وقت وخصوصا لو المساعد لسه اول مرة يمسك بريزم.
__________________________________
وقف الجهاز بعيد عن المعدات لو متاح لك وقفة على اسفلت او وقفة على رمل اقف على رمل وثبت حوافر الرجل"السيبيا "كويس عشان معى الوقت الجهاز بيريح لو على اسفلت بيتاثر بحرارة الاسفلت فبيريح
بعد استلام الموقع بتقدم shop drawing للمالك او للاستشارى وبعد الapprove
بتقوم بالتوقيع لحدود الطريق +center line
التوقيع بيكون سياخ حديد او اوتاد خشب ....بتوقع xyz وبتكتب على كل station 
محتاجة ردم او قطع "±"قد ايه على شريط بتربطه على السيخ وفى نفس الوقت مكتوب عليه رقم المحطة عشان متتلخبطش"حساب كميات حفر وردم"
وخلى بالك لو فى كرڤات او صوانى cul de sac كثف النقط على قد ما تقدر
الطريق 4 مراحل :
1_مرحلة تمهيد فيها بيتم تحديد ملامح الطريق غالبا بدون ميول جانبية 
2_مرحلة تهيئة طريق "الفيرمة"عبارة عن تربة بيتم وضعها بسمك قد يكون 20 سم حسب مايراه المصمم وفيها بيتم تشكيل الميول الجانبية قد تكون 1.5%
3_وضع الدقشوم "السن" والدمك جيدا
4_المرحلة الرابعة وهى طبقة الفنش سواء كانت اسفلت او انترلوك
#من الممكن وضع كل ستيشن فى الحدود على بعد متر عشان المعدة متضربهاش
فى المرحلة الاولى قد يكون هناك قطع فى تربة صخرية فتلجأ لاستخدام حفار شاكوش يوميته 1200 وراضى السواق بيعمل فى اليوم تقريبا 65 متر مكعب
لو الطرق جوانبه صخرية بتم عمل ما يسمى بالارنكه وهى جعل حافة الطريق قائم تماما اسفل الطريق مثل قمته
______________________________
بعد انهاء عمل الشاكوش بيتم عمل اللودر لتمهيد الشغل للجريدر وبإنهاء عمل اللودر دى بتكون نهاية المرحلة الاولى وبتقدر تعمل او مستخلص 
"المستخلص والمقاول عشق لاينتهى "
فى المرحلة الاولى زى ما قلنا مفهاش ميول جانبيه فيها ميل طولى فقط 
قد تكون دقة المناسيب ±سم10 حسب الاتفاق فى العقد
المحطات على اللوح ممكن تكون على بعد 25متر كل محطة عن اللى بعدها واللى قبلها فكل لما بتقلل المسافة الشغل بيتظبط اهم من الشغل ظبط الشغل
مرحلة الفيرمة subgrade 
اهم حاجة فى المرحلة دى انك تكون مظبط حدود الطريق عشان ميبقاش عندك هالك كتير
ترقيم المحطات مهم جداااااا لو اتلخبطت فى ترتيب محطة الشغل كله بااااظ اكتب على كل محطة اسمها ....خلى بالك من المساعد الا يفوت محطة station
...لقيت واحد بيشيل سيخ بتاع محطة بقوله بتعمل ايه يا حاج قالى ياباشمهندس كل يوم بتطلع شمس جديدة grin emoticon
ممكن يسلمك المالك داتا الطريق على شكل بروفيل وموجود نسبة الميل وانت توزع فى جدول وتختصره فى اسكتش ممكن تشتغل كل 2 متر تاخد قراءة على الكروس سيكشن العرضى 
يعنى لو طرق عرضه 9 متر تاخد فيه قراءة على السنتر وقرايتين يمين وقرايتين شمال 
ركز جداااااااااااا انت بتقرأ على الجنب الشمال ولا اليمين من الطرق 
لو مش عارف شمال الطريق من يمينه ممكن تسأل المالك او الاستشارى 
خصوصا فى الصوانى ..مش عيب أنك تسأل لان وقت ما هتغلط هتشيل ليلتك لوحدك..وانت بتختصر الجدول راجع على بياناتك مرة واتنين خصوصا لو نسبة الميل مش ثابته فى الطريق كله
ركز قووى وانت بتحسب م س م لو شكيت فى لحظة فى حاجة غلط راجع على النقطة الثابته ...التفاهم بينك وبين سواق الجريدر والمساعد مهم جداااا
سيب 2 سم زيادة على المنسوب للهراس او حسب التربة اللى انت شغال بيها مراعاة لهبوطها
زى ما قلت قبل كده لو شغال فى cul de sac اتأكد يمين الطريق فين وشماله فيين .. واتاكد دايما ان حدودك موجودة مفيش حاجة اتضرب منها 
كثف نقطك فى الكرفات والصوانى على قد ما تقدر عشان asbuilt يكون مظبوط ..اهم من الشغل ظبط الشغل
لو شغال فى صينية "cul de sac" وموجود على اللوحة مثلا ليها 5 محطات قسم انت المسافات بيت المحطات وحط مناسيبهم عشان تقدر تتحكم فى المعدة 
زى الخطوط اللى لونها اخضر على اللوحة دى"محطات مساعدة"
على قد ماتقدر ظبط مناسيبك من المفترض يكون فى نسبة سماح "tolerance"
فى الفيرمه "±"2سم 
حاول متخليش حاجة واطية فى الفيرمه لانك هتعوضها "سن" دقشوم 
"عدس بترابه وكله بحسابه"
وعلى حظى كان المالك والاستشارى بيحبو يستلمو بالتوتل
لو بتسلم مناسيب بالتوتل جيب اى حاجة حطها تحت كعب البار عشان ميغرزش من المساعد "وربنا يوعدكم بمساعدين بتفهم"
وانت شغال فى الطريق لو فى "طبان"رصيف بتشكله معاك عشان يسهل عليك تفنيشه بتكون محدد العرض بتاعه 
لو العرض زيادة مصلحة ليك ...بدل ما يكون اقل ويعمل هالك فى السن "الدقشوم"
______________________
المرحلة التالته وهى مرحلة السن "الدقشوم"قبل البدء فى المرحلة نقوم بحصر الكمية المطلوبة والحصر هنا اسهل من حصر الفيرمه لانك بتنزل طبقة بسمك واحد فى اجمالى المساحة اللى بتحددها من اللوح او من خلال رفعك السن سمكه ممكن يكون 20 سم ممكن الاستشارى يطلب انه ينزل على طبقتين 
بتراعى التشيون يكون فى كل مكان على حسب الكمية المطلوبة فيه لمراعاة عدم النقل "استهلاك للمعدات وكل ده بفلووووس" ومن المفترض بتكون عارف كل جرار حجمه قد ايه ومن الافضل انك تكعبه بنفسك للتأكد من حجمه
الجريدر بيقوم بفرد وتقليب السن بالمياه حسب الكمية المناسبه
بتخلى منسوب السن اعلى 2سم لان الجريدر بيمسح الطرق قبل شغل الاسفلت او الانترلوك وكمان الهراس ممكن اثناء الدك يقل المنسوب 2سم
دى صورة اثناء تقليب السن حتى تتلاحم مكوناته من بدره وسن وتكون مادة صلبة
اهم حاجة تكون حدودك كلها موجوده مفيش حاجة فيها اتضرب
هبقى ارفع صوره وفيديوهات اثناء شغل الجريدر

ينصح بمشاهدتها

الإعلانات

قد يعجبك ايضاً

أوامر أوتوكاد رائعه المساحة (تعريف – أهدافها – أقسامها) Monitoring Methods In GPS: معايره ميزان القامه داخل الموقع